صراحة أنا هاد المعدلات د 19 و 18 مبغاتش تدخل لي لراسي، اشنو تغير وشنو تبدل لي ولات المعدلات تتوصل لهاد الارقام؟ حنا جيلنا المتفوقين من 13 لفوق، جبتي 13 عندك لوحة الشرف ، جبتي 14 واوووور نتا مااشي غي مجتهد، نتا مجتهد مع تشجيع، جبتي 15 بحال لي جبت انا بلا فخر جبت 15,77 ف النورماليزي د الكاتريام اعتبروها نتيجة استثنائية، وخديت جائزة خاصة من الاكاديمية على هاد المعدل الاستثنائي وتنويه خاص...

تنشوف دابا 18 19  تنستغرب، برافو للوليدات ولكن هاد المعدلات مدخلاتش ليا لراسي، وخصوووصا شعبة أدبية، وحنا الاستاذ كان تيقول لينا والله ويجي طه حسين ولا العقاد لا فت ليه 14 ف الانشاء، ومول الفلسفة تيقول ليك   والله ويكتب الموضوع ارسطو لا عطيتو كتر من 14، وادبي ناجح ب18 ف المعدل؟

واش تغيرات طرق التقييم ف هاد المواد؟ واش القطاع الخاص سبب هاد المعدلات الفخمة؟ واش الخلل ف الاساتذة د الجيل ديالنا لي كانو سقرامين ف النقط؟ معرفتش صراحة.