حصد شريط فيديو منشور على "يوتوب" نصف مليون مشاهدة في خمسة أيام، تظهر فيه مؤخرة امرأة مغربية (أم أنوار) هي أم بكل تأكيد، و هي تُحضّر حلوة الكاوكاو السهلة البسيطة، ستحقق مليون مشاهدة في الأيام القادمة.
وكتب أحد رواد مواقع التواصل الاجتماعي " فايسبوك"
البارح و أنا كنقلّب على درس حول أحد لغات البرمجة، لقيت أستاذ جامعي مغربي حاطو من 2015 كيشرح فيه أساسيات هاد البروغرام اللي خدام بيه دابا كل المبرمجين ديال التطبيقات الهاتفية فالعالام، و يالله وصل مسكين ل 1700 مشاهدة فخمس سنين.
نصيحتي لهاذالأستاذ اللي عندو طريقة علمية رائعة فالتدريس و صوت متميز أنه يتواصل مع أم أنوار يجيبها يحطها حدا السبورة الإلكترونية، هو يشرح و هي تصاوب لينا الحلوة د اللوز بالكركاع.
أنا ماشي ضد أم أنوار و ماشي من دعاة قطع الأرزاق أو تغراق الشقف كيف كيديرو بعض أشباه الصحفيين اللي ولاو دايرين فيها شرطة الفيسبوك، و كيحرضوا النيابة العامة على مواطنين بسطاء.
لكن خاصنا نعرفوا شنو اللي خلاّ أم أنوار تعطي لولدها أنوار و ربما أب أنوار التلفون و يبقا يصورها بهاد الطريقة ؟
خاصنا نعرفوا علاش ديك الخمسمية ألف شافت فيديو تافه لمؤخرة أربعينية تافهة فخمسيام، و فيديو فيه معلومات علمية لا تُقدّر بثمن ما وصلش تال ألفين مشاهدة فخمس سنين ؟