مجموعة من الأشخاص اللي ولفوا يتبوردو في المعارضة مثل ريم شباط و الأزمي و بوانو و أوزين و غير الكثير ، خاصة أيام أخنوش اللي كان سكوتي، غادي يلقاو مشكل حقيقي مع فاطمة الزهراء المنصوري فهاد الولاية..

..

مثلا ريم شباط كانت كتبورد كيف بغات، وكان دائما عائق أنها امرأة حتى واحد ما كيقدر يجاوبها بنفس الحدة، اليوم فاطمة الزهراء المنصوري جاتها نيشان وقالت ليها حتى أنا كنهضر بعفوية ...

..

كذلك ناس العدالة والتنمية البيجيدي كانوا دائما كيدخلوا فشي مواضيع اللي كان أخنوش و الوزراء ديالو يتجنبون الرد عليها أو الخوض فيها، في حين المنصوري واللي معها مثل صابري و المهاجري كيجيو نيشان ويديرو معك البوليميك حتى لشي نهار..

..

حاجة اخرى، الأصالة والمعاصرة تحمزمو بأحزاب فيها ناس سياسيين حقيقيين، بحال الحسن لشكر مثلا، اللي اليوم حتى هو لم يفوت الفرصة باش يرد على ريم شباط، وكذلك مريم وحساة اللي دافعت عن البرنامج الحكومي بطريقتها وبينات فيه مجموعة من النقاط...

 .

المهم ومن هادشي كامل، هو نتمنى هادشي يرجع بالخير على البلاد..