صحيح أن جماهير كازابلانكا، كما أكدت يوم أمس، كانت في الموعد وساهمت بشكل إيجابي في إيقاع المباراة، لكن بغيت غير نعرف واش ما زال الضو طافي فكازا؟

طبعا الجواب لا إذن، راه فرق السماء والأرض بين الصورة اللي كاينة من ملعب الرباط والصورة اللي خداوها من الدار البيضاء، وكأن كازابلانكا كتعيش في الظلام، بل إن صورتها أقل بكثير حتى من بعض المدن الصغيرة.

ومن بين الأمور اللي دائما كنبغي نطرق ليها، هي أنه رغم أن كازابلانكا أكبر مدينة من حيث الكثافة السكانية ومن أكبر المدن، إلا أن الحس الجمعوي والنضالي فيها غائب بشكل كبير حتى شبابها ماشي جمعويين، ماشي نقابيين، وماشي ديال الحلقات، وماشي ناشطين بالعدد اللي كيتناسب مع حجم المدينة وعدد سكانها.

عكس باقي المدن، كتلقى مدينة صغيرة ولكن المجتمع المدني فيها حاضر بقوة، وكلشي مشارك في لجنة مقاربة النوع داخل الجماعات، والكشافة، والشبيبات الحزبية، والمخيمات، وحتى كل حي فيه خمس جمعيات. وحتى الانتقاد في مواقع التواصل الاجتماعي حاضرين فيه.

عكس ذلك، شباب كازا كيكون حاضر ملي كيكون نقاش عام متعلق بشكل مباشر بالحكومة أو البرلمان، لكن الانتماء للدار البيضاء ما كتلقاهش حاضرا وملموسا، وما كنحسوش به، عكس مثلا الانتماء للرجاء والوداد اللي حاضر بقوة.

ومع ملعب بنسليمان الكبير اللي غادي يحتضن المونديال ومباريات الأسود، كنتمنى يتم إعادة النظر، على الأقل، في مسألة الإنارة، وتكون صورة تليق بالمدينة الاقتصادية.