ملي قريت العقوبات وشفت القرارات لي اخيرا صدرتها اللجنة التأديبية للكاف، فهمت بأن أعداء النجاح ديالنا ماشي غير بعض دول القارة ، بل حتى الكاف والأعضاء ديالها، داروا لينا سوليما، بعدوا رئيس اللجنة التأديبية حيث قال ليك حتى هو سينيغالي، وقلنا بعدا الكاف راها كتحاول تكون نزيهة

لكن بعد أاسبوعين ديال التعصار والتمثيل، خرجوا لينا بعقوبات ماشي ماغاديش تعجبنا ولكن غادي تخرج مستقبلا على كرة القدم الإفريقية طولا وعرضا والأيام بيننا

ملي الكاف كتساوي بين جرائم مكتملة الأركان في حق الممتلكات والأشخاص،لي قامت بها  الجماهير السنغالية بعد شحنها المسبق، وتحريضها في الملعب من خلال حركات المدرب وبعض اللاعبين ولي وسخت الصورة ديال الكرة الإفريقية  والنهاية ديال الكان ، وخلات كل وسائل الاعلام الدولية تنسى الكرة والنهاية والمنافسة، وبقات كثحدث غير على الشغب، وملي خلات هذا الأفعال الخطيرة و خلات الانسحاب والتحريض عليه  ومشات كتشوف حكيمي والصيباري لي حيدوا فوطة ديال الحارس،و لي واحد من الكاف قال ان وجودها غير قانوني، وملي الكاف كتغرم المغرب نفس الغرامات تقريبا الى عطات للسنغال، وكتوقف  مدرب السنغال لي جدب على كلشي 5 مباريات، وتعطي لصيباري 3 واش  غادي نقول ليكم!!!! راه أول واحد ضدنا هو الكاف والرباعة ديالو، وربما كنقول الرئيس ديال لجنة التأديب السنغالي،  لي  تم الإبعاد ديالو مؤقتا حقا ماحقا  باسم النزاهة، كنقول هو لي قرر هذا العقوبات وعطاها لصحابو  لي بقاوا ف اللحنة باش يقراوها، عاد من بعد زيد باقي

المنتخبات والجامعات لي خرجت نيابها، فقط لأننا درنا كان متميز، وعوض يفرحوا حيث كبرنا بيهم ودرنا ليهم عرس ماعمرهم شفوه ولا حلموا بيه ، مشاو مفقوسين وبداوا كيخرجوا الغل والحقد ديالهم

لكن الفالطة ديالنا ماشي ديالهم ، حنا لي بقينا كنطلب فيهم باش يرجعوا يكملوا المقابلة ، حنا لي ضيعنا ضربة جزاء في اللحظات الأخيرة من المقابلة ، حنا لي عطيناهم القنبة باش يربطونا، كنا درنا نفس لي داروا كنا خدنا نفس العقوبات والكاس معها ايضا

الدرس أصبح واضحا، اللجوء للطاس، بحثا عن تطبيق القانون، الإمتناع عن تنظيم أي تظاهرة تشرف عليها الكاف، وأطرافها من هذه القارة، الاتجاه نحو تنظيم تظاهرات عالمية تحت اشراف الفيفا، والتي نعرف صرامتها في مثل أحداث مماثلة، لاأحد يجرؤ ولا احد يقدر أن يفعل مافعلة منتخب السنغال بكل مكوناته، وفي الأخير أقول إن هذه العقوبات ثثير ليس التساؤل بل الضحك، واذا كنت في القارة الإفريقية وبالضبط في الكاف فلاتستغرب

تمخض الجبل فولد فأرا

ديما مغرب